Saturday, August 30, 2008

إليكم سري



أحب بوجي وطمطم وطماطم - لا يبدو ذلك سر
كنت أشعر وأنا صغيرة أني أحبهم
لاني اشبه طمطم
وأن محمد أخي هو بوجي
وطارق هو طماطم
أظن ذلك يصلح سر
كل عام وأنتم بخير

19 comments:

Anonymous said...

كده يا نهى انا طماطم :(
طارق اخوكى ولا طماطم بقى

واحد مش فاهم حاجة said...

اليكى السر الاكبر

انا حبيت عم شكشك اكتر

كل سنة وانتى بخير وسعادة

رمضان كريم

blue-wave said...

ههههههههههه
ماتخافيش سرك فى بير
وكل سنه وانتى طيبه

محمد على الهنداوى said...

Kol sana wenty tayeba ya noha
ana ba7ebhom kolohom we faker tafaseel keter men elmosalsal le7ad delwa2ty
kanet ayam gamila
bas ba7eb marmar aktar
fakraha?
Ely kanet betsawar bekamera maya:)
wala tante shafi2a:)

مُزمُز said...

رمضان كرييييييييييم يا نهى

كل سنة وانتي طبية انتي واخواتك وكل الناس اللي بتحبيهم :))))))

Unique Gurl said...

انا برده بحبهم اووووي
والله لما شوفت الصور بتاعتهم اتبسطت جدااا
كل سنة وانت طيبة وكل المسلمين بخير :)

أحمد عبد اللطيف said...

طمطم!!!!!!!!!!!!!!!
لا ، أنا كنت باحب حاجة تانية خالص، فاكرة الهر أبو جزمة !!!!!!!!!!!!!!!!!!
اللي كان بيلعب بالفانوس ابو شنعة
، واللي كان بيحضر العفاريت!!

أيوا هو دا !
كل سنة وانتي بتحبي طمطم وطماطم وبوجي

شادي أصلان said...

كل مضان وانتي طيبة

ان شاء الله رمضان الي جاي تكوني حققتي كل احلامك

بيني وبينك سرك دا خطير كان المفروض متقوليش عنه حاجة هنا
:)

mohra said...

كل سنه و انتى طيبه
بس انتى احلى من طمطم بكتير

كراكيب نـهـى مـحمود said...

طارق- سر كان لازم تعرفه في يوم من الايام

واحد مش فاهم حاجة - الله عم شكشك كان شخصية فارقه في طفولتنا كلنا كل سنة وانت طب وجميل

بلو واف- وانت طيب وبالف صحة وسلامه

محمد علي الهنداوي- ياااه مرمر فكراها كان بيعمل صوتها انعام سالوسة وطنط شفيقة دي حبيبتي
شفت منها كتير حقيقي لما كبرت
انا كمان فاكره تفاصيل كتير جدا من الحلقات كل سنة وانت طيب وكل اياملك اللي جايه جميله ان شاء الله

احلى مزمز في الدنيا- كل سنة وانت كمان طيب وعلي بخير وكل الناس اللي بتحبهم واللي سله هتحبهم محبتي الخالصة

كراكيب نـهـى مـحمود said...

unique girl- اتبسطت اوي انك اتبسطي من صورهم امنية حياتي وانا طفلة انهم يجيوا عندنا البيت زيارة
كل سنة وانتي بالف خير وسلامه

أحمد عبد اللطيف-
ماشي يا احمد بقى كده انت بتشرد لي اوكيه انا كمان ممكن اقول على ام سيد والناس اللي معندهاش شببشب بيت واتفال الشوارع بالتاء وكده يعني
رمضان كريم وكل سنة وانت مترجم وبتحب ساراماجو

العزيز شادي اصلان - نورت وكل سنة وانت طيب بمناسبة عيد ميلادك اولا
وبمناسبة الشهر الكريم ومن هنا للسنة الجايه تحقق انت كمان كل احلامك الطيبة زيك

مهرة وانتي طيبة - الله يكرمك انا احلى من طماطم طب دي عليها بق نمنم جميل اوي كنت بحب الطريقه اللي بتتكلم بيها
كل سنة وانت جميله محبتي

mohamed kamal hassan said...

هههههههههههههههه
طبعا عارفه بضحك ليه

_ زين_ said...

طعم الأسرار
طعم الأسرار مازال مثيرا
ولأسرارك غموضها غير المتخيل
ولأن بوجي وطمطم شخصيات جديثة جدا لإنسان ينتمي لعصر اليناصورات مثلي
فأنا في أشد التوجس من هذا السر
سأحاول إماطة اللثام عن بوجي ليتك تدفعين لي بسر طمطم
وصباح الفل

علي الالفي said...

تصدقى كان ليا وجهة نظر فيهم
كنت باشوف طمطم دى مثالية زيادة عن اللزوم و ما بتغلطش و ده كان بيخقنى منها ساعات
بس بجد باحبهم قوي

Om HAGAR said...

يااااااااااااااااااااه يا نونا أنا كمان بموت فيهم و مفتقدة المسلسل دا جداً تصدقي؟ أنا صعبان علي أطفال الجيل دا لا عندهم بوجي و طمطم و لا عمو فؤاد و لا أي حاجة من حاجاتنا الحلوة.

عموما كل سنة و انتي طبية

Anonymous said...

كل عام وانتم بخير ،كويس انك ذكرتى هذا السر قبل مانقابلهم يوم الاربعاء

dr/dina said...

yaaaaaaaah , fakarteeny bramadaan
kol sana we enty tayeba
wa7shetny elmodawana de awy bgad ana moftaqedaha gedan
we 3ayza arod 3ala 7agat kteer bas tab3an mesh hal7a2
any way mota2leqA kal3ada ya noha :)
fen elrewaya elgdeeda??
salam
dina

كراكيب نـهـى مـحمود said...

الصديق العزيز محمد كمال حسن- عارفه بتضحك ليه وافتكرتك جدا وانا بنشر البوست ده
كل سنة وانت طيب

د0 زين - يا صاحب التعليقات السحرية
هل ترضي ان ابيع سر صديقتي طمطم
تؤ لا اعتقد اني استطيع ليبقى بيني وبينها كل سنة وحضرتك بخير

الجميل على الألفي يا سيدي تلات سلامات
طمطم كانت مثالية امام الكاميرا فقط لكن بعد انتهاء الحلقات كانت تمارسه حياتي بشكل طبيعي بتشد شعر طماطم لانها اصغر منها وبتعاير بوجي ان بقه كبير وبتعمل حاجات كتير اوي تخليك تخفف من خنقتك ولا تزعل نفسك
حلو الكلام؟ كلام جميل

كراكيب نـهـى مـحمود said...

ام هاجر- كل سنة وانتي طيبة يا حبيبتي

بنوتك عامله ايه
يا رب تكون بخير انا كمان زيك بفكر ازاي الجيل اللي جاي ميعرفش بوجي وطمطم وجدو عبده وعمو فؤاد
ازاي مينبهرش زينا بكل ما اثر في سلوكنا وثقافتنا نحن التمانيون
وارجع اقول اكيد هيلاقوا عالم ينتموا له واشياء تحمل لديهم ذات خصوصية اشياءنا
خخالص محبتي يا بنوته

المجهول احمد مجاهد- بتنسى تكتب اسمك كمان ماشي يا سيدي
اه انا قلت لك كل حاجة اهوه علشان متتفاجأش يوم الاربع

صباح الفل

احلى دينا في الدنيا - كل سنة وانتي بالف خير وصحة وسلامه عامله ايه ياقمر
الرواية الجديدة وصلت بالسلامه لكمبيوتر دار ميريت للنشر
فاضل كام قعده بس لتضبيط شكلها وبعدين تبدا رحلتها في المجئ لعالم القراء ادعيلها ربنا يسهلها ان شاء الله
دينا خالص محبتي يا قمر

 

كراكيب نهى محمود © 2008. Design By: SkinCorner