Tuesday, March 18, 2008

تاريخ معلن للحب

تمضي الأيام ناعمة ..
محملة برائحة العشق والهوس بشمس مارس
أرسم طقوسا جديدة للعالم من حولي ..
أستمتع بجلستي في المقهى العذب أشرب قهوة صباحية هادئة .. اكتب كما لم أكتب من قبل
أقاوم كل أشباح الحزن .. أقهرها
يسيل دمها أعلن انتصاري .. لا اخفى الزهو الذي يملأني
أعمل كثيرا .. أقابل البشر ..
أخفق في ترتيب مواعيد للقاء بعض الاصدقاء
أنشغل عنهم
.. نتحدث عبر الهاتف .. نلتقي .. نقتسم هدوء قاعات السينما
نمضي في الشوارع او امضي وحدي ابحث عن أفكار تائهة ألتقطها
أجلس على الرصيف أدونها
أضبطتني متلبسة بالرقص في حجرتي في المساء
أفرح ابتهج استسلم اغني وارقص واضحك
.. أنزل السوق اشتري خضروات وفاكهه .. أصنع وجبات لها رائحة الدفء والحب
أتأكد بيقين اني موجودة اصنع تاريخ الحب في عالمي .
أرفع لافتات الأمل وأضيئ شموع حجرتي كلها
استقبل ومضات القمر تلك القادمة من مدار بعيد
فقط لترسل لي بعض البهجة والبشارة .

17 comments:

بطوط حبوب said...

ممكن اقول حاجه تكون بعديه عن الموضوع

بس ده اكتر شئ عجبنى

طلما انتى قدرتى
أقاوم كل أشباح الحزن .. أقهرها
يسيل دمها أعلن انتصاري


طالما طلعت بتموت فاانا كمان هبدأ اقهرها

teba said...

نهى
ارجو يا نهى ان يستمر يقينك
هذا بأنك قادرة على صناعة تاريخ للحب
فى عالمك..اتسائل ..اذا كنتى قادرة على صنع كل تللك البهجة..فلماذا اذن يسحبك حزن ما دوما الى أماكن لا تشبهك
..تمسكى بالبشارة..تمسكى بها

Anonymous said...

نهى تعرفى ايه اجمل حاجه هنا.

ان كل جمله تنفع تكون بوست لوحدها حسيت انها افكار مش مرتبطه وفى الاخر خالص كانك دخلتى جوا احساسى وربطتى خيوط الموضوع كلها ببعضها.

تحياتى.
مدمن كتاباتك

ريحانة said...

حاتقدرى تصنعى تاريخ الحب فى حياتك
عشان الحب اعتقد بيجى للى عايزه بس
او يمكن عايش جوانا ومحتاجنا بس ندور عليه

جميل فيكى التفاؤل

كلمة على جنب
اسلوبك روعة تستحق القراءاة

Anonymous said...

احساسك ... معدي جدا
و جميل جدا
سلام
دينا

Unknown said...

حلو أوي أوي البوست ده يا نهى كله حياة وحركة وصور وتفاصيل يومية مليئة بالنشاط والحيوية والبهجة

معتقدتش إن المقهى بتاعك ممكن تكون القهوة فيه هادئة ابدا.

كويس إنك عارفة إنك مشغولة عننا كنت لسه عاوزة اكتبلك على الفيس بوك : كلام كلام كلام بس ما اخدتش منك غير كلام

وبالمناسبة أنا من أنصار التعبير عن المشاعر بالرقص - أو بالحركة عموما -سواء كانت حزن أم فرح لاني بحسه بيخرج الشحنة الانفعالية اللي داخل الانسان .

عقبال ما نرفع لا فتات الامل احنا كمان لحسن احنا أوا على الاقل أنا بقيت جردل كآبة متحرك عمال يرش كآبته يمين وشمال.

مرة تانية البوست تحفة ومشحون بالحياة والعواطف وسلام لغاية ما نتفقابل أكيد في يوم من الايام إذا شاء ربنا وادانا العمر

مُزمُز said...

إيه الجمال والهدوء والاستقرار ده كله

يا بختك

:)

كتابتك أكتر من جميلة كالعادة

وعاش من شافك
ابقي تعالي كده

ساعه الغروب said...

مش عارفه اقول ايه بجد

انا برتاح اوى هنا بجد
بلاقينى اوووووووووى

يمكن لانى مش بعرف اكتب دا بس بحسه اوى

شكرا ليكى من كل قلبى

يا رب تكونى دايما بخير

m.sobhy1990@gmail.com said...

والله مش عارف أقول إيه
كأنك قولتى اللى جوايا
جميلة كالعادة يانهى

soha zaky said...

فلموت فورا من لا يؤمن أن الحب يصنع المعجزات ، فليموت فورا من لا يصدق ان السماء مثلما تأخذ أحباء تعطى غيرهم لأننا ببساطة لا نستطيع التنفس دون حب
فليموت فورا من لا يصدق ان الله الله نفسه محبة محبة محبة
اهنئك يا نهى وياريت

كراكيب نـهـى مـحمود said...

بطوط حبوب - جرب كده بتموت فعلا منتظرة اعلانك الانتصار

حبيبتي طيبة- يقين الامل والحب وقدرة ضوء الشمس على مقاومة ظلال الجنون قائم دوما لكن قوة حضورة تتراجع احيانا تحت وطأة الحزن
لنتمسك جميعا بالبشارة كل المحبة لقلمك الرائع

عزيزي محمد من جده- تعرف اكتر حاجة بتحرجني في ردودك ايه
حبك المطلق لما اكتب هصدق بعد شوية ان الموضوع حلو بشكل مطلق وده طبعا مش لصالح الكتابة
شكرا لك على زيارتك الدائمة التي تسعدني

ريحانه- الحب ياتي لمن يبحث عنه بايمان ولمن يستحقه هكذا تبدو الحكمة
وهكذا اصدق شكرا لكي على زيارتك وتعليقك

كراكيب نـهـى مـحمود said...

د0 دينا- شكرا يا قمر
وحشتيني على فكرة كل اللي يخلص امتحانات يبقى مشغول كده مودتي

احلى سالي في الدنيا - ساعات بصحى من النوم مفتقدة ضحكتك وصباح الخير اللي كلها دلع وشقاوة في احلى 10 ايام في حياتي

انا اسفة والله عارفه اني مقصرة معاكم بس هانت قربت اخلص - لا لالا مش زي ما انيت فاهمه القهوة الهادية مش التكعيبة دي قصة تانية هقولهالك لما اشوفك
- سالي بلاش كسل ارفعي لافتات الامل بقى افرحى علشان خاطري كل الحب ليكي

احلى مزمز في الدنيا- يااه عارف فرحت ازاي لما دخلت عندك ولقيتك بتكتب
عارف اصلا بحب مدونتك ازاي وبتفكرني بالايام والشهور الاولى للتدوين
معاذ حمد لله على السلامه وشكرا لزيارتك ووحشتني وكده

كراكيب نـهـى مـحمود said...

ساعه الغروب- افرح كما لا اعرف ان احكي عندما يتماس ما اكتب مع اخين
اشعر ان العالم اجمل عندما يكون هناك من نستطع ان نقتسم معهم فعل البوح لدينا ويستقبلونه كما اردناه تماما كل الحب لكي

محمد صبحي- شكرا لك يا محمد
لك كل امنياتي والفا من لافتات الامل

سهى زكي - البشارات ولافتات الامل من صنعنا نحن الساحرات لذا يا ريت جدا كل المودة والحب لكي

wael fekry said...

يا هلا معلشى لكنى حناقشك شويتين اوك:
س سؤال :
بتقولى نقتسم هدوء قاعات السينما طيب وبتاع الحاجه ساقعه شندوتش بسكويت راح فيين ولا انا علشان سايب مصر اختشا على دمه واختفى ؟
س سؤال :
بتقولى أجلس على الرصيف أدونها
يعنى عايزه تفهمين ان العسكرى حيسيبك جالسه تدونى ده ممكن يفتكرك بتكتبى فيه شكوى؟
س سؤال : بتقولى أنزل السوق اشتري خضروات وفاكهه .. أصنع وجبات لها رائحة الدفء والحب
مش خايفه يطلعك بتاع الضرائب ويقولك يا متفوتر ؟
ختام الف شكر ليك ويارب ما تزعلى من هزارى

_ زين_ said...

البوست ده بيقوللي حاجات كتير
يارب..
هاأدعيلك من هنا لحد نفق شوبرا..
هايل
ممتاز
تصفيق حاد لملامح هادئة
خالص محبتي

hazem shalaby said...

استقبل ومضات القمر تلك القادمة من مدار بعيد فقط لترسل لي بعض البهجة والبشارة

عارفة ... بالامس فقط كنت اجلس امام البحر فى البلاد الغريبة محاولاً لملمت بعض خيوط القمر من فوق سطح الماء لأغزل كلمات كالتى انهيت بها بوستك الجميل ... لم استطع .. ربما لأن مارس هنا لا تحمل ايامه رائحة العشق ولا دفء الوطن .. ربما لهذا لا استطيع مقاومة اشباح الحزن او قهرها فيسيل دمى انا ... اسمحى لى أن احسدك .. اسمحى لى أن اهديك تحياتى المغلفة بكل الود و الاحترام

كراكيب نـهـى مـحمود said...

وائل - سيتي ستارز مفهاش ايوا حاجة ساقعه بيبيس
العسكري بيجي يقعد جنبي يشتكي من طابور العيش اللي واقف فيه من امبارح

اعلانات خنيقه بنت .... ولا بلاش
انا اعرف الضرايب دي يكون قدمها خدمات يعني رايح جاي مش رايح ومفقود بس
نورت وسعيدة بهزارك رغم ان الاجابات قلبت جد

د- زين- خطوة عزيزة وحشتني جدا
اعرف كل امنياتك الطيبة لي
انا كويسة جدا جدا وفرحانه بمارس كما تعرف مش ناقص غير اني امشي بطبلة اخبط في شارع رمسيس او بجردل ميه جنب ميدان طلعت حرب
انا هتهبل من السعاده بالجو ده
وزي ما قلت لحضرتك هي السنة فيها احلى من مارس واغسطس برضه
محبتي

صديقي حازم- ياللقدر
وقف القمر يلوح لك بمنديل ابيض له رائحة الفل لكنك لم تراه بكى وافلت المنديل من يده وارسل لك لكنه في الطريق ابتهج بالبشاره وانتظر مودتي وتقديري

 

كراكيب نهى محمود © 2008. Design By: SkinCorner