Tuesday, December 23, 2008

بمناسبة وجودك


لا شئ يمنح نفسي السلام الخالص
ويبعث في جسدي طاقة حب تكفي كل البشر إلا وجودك
رائحة ذراتك التي تعلق في كفي من أثر المصافحة ...
ذكرى عبقك التي تبقى عالقة في أنفى وملابسي بفعل تقاربنا
يدي التي تلتف بخجل حول يدك ونحن نعبر شوارع وميادين مزدحمة بالضوضاء ..
كفك وهو يجذبني من اناملي لأحافظ على محازاة السير
لحظة كتلك قادرة على أن تمس قلبي بين ضلوعي ..
لحظة أن تمس يدي لتمررني بين العابرين حولنا
تربت على روحي وتبقى ظلالها لايام كثيرة بعد لقاءنا .
إثارتي من ملامستي لفمك بكفي وأنا أمنعك من الإستمرار بمزاحك القبيح الذي أخجل منه دوما لكني أحبه
ملامستي لفمك التي سمحت لي ان أشعر بنعومة ذقنك الحليقة
وألمس مكان الجرح الذي تركته الحلاقة أسفل شفتك العليا ..
اشعر بيدي على وجهك فأنتبه
واتساءل بدهشة ما الذي فعلته الآن !
أسحبها وأشعر بالإحراج .. وأبحث في لوحة مفاتيح اللقطة عن زر – ديليت-
فأنتبه على ضحكتك وانت تسألني أن اكرر فعلتي ..
يزداد حنقي على تهوري فتضحك وتزيد من مزاحك وتقول لي – طب ايديك التانية
أناديك بأسمك لتصمت .. فتصمت ونبتسم معا ...
أنت تصبغ أيامي ببهجة الحب .. ونعومته
وتسرسب لي طاقة تكفيني لأنام وأكتب واتواصل مع أصدقائي واقاربي وأشيائي
لا افكر في مسمى لما بيننا
لا افكر أنك لا تحبني كما اريد ..
ولا اكره نفسي لأني أحبك أكثر مما يستلزم الأمر ..
لكني احب الله لأنه صنعك لأجلي .. واحب العالم كله لأنه يسع نشوتي ووجودك

18 comments:

يقول أنى امرأة said...

لا افكر أنك لا تحبني كما اريد ..
ولا اكره نفسي لأني أحبك أكثر مما يستلزم الأمر

السطرين دول محتاجين الواحد يكون محاط بطاقة ايجابية كبيرة اوى مع الى بيبحة علشان يقدر يكون بجد عارف يعملهم

مسدس صغير said...

كلمات كتبت لتعيش فكل مكتوب حى.. اشكرك على الكلمات الرائعة

mostafa rayan said...

انا بحب كتاباتك الرومانسية جدا
بحسك متالقة قوي فيها
تدوينه حلوة
من انسانة جميلة

Ahmed said...

كلماتك زي ما هي دايما يانهى
رقيقه
جميله
هادئه
عذبه
ممتعه

البِـئرُ والظمّأْ said...

بعشق كلامك يا نهى
وبحييكي فعلا
و بتابعك من بعيد لبعيد




زيزي

Ahmad Abdulatif said...

صديقتي الجميلة نهي
عايز أقول لك اني عايش بقي لي يومين مع " طوق الحمامة " لابن حزم ،
قريتيه؟
لما حتقريه حتعرفي ان مشاعر العشق وعلاماته واضطراباته ،ما اتغيرتش فزمن العولمة

لقد قولتي بعض ما قاله :
لا أفكر انك تحبني كما أريد

أراك قريبا

هناء said...

شكرا

كراكيب نـهـى مـحمود said...

يقول إني إمرأة - السطرين دول محتاجين معجزة
خالص محبتي

مسدس صغير- اشكرك واظن ان الكتابة تقهر الموت

مصطفى ريان - شكرا لعى كلماتك المشجعه خالص مودتي

المهندي احمد - يا خبر كل الكلام الجميل ده علشاني

كراكيب نـهـى مـحمود said...

زيزي- مدونتك لطيفة اوي وشكرا جدا على متابعتك مودتي

أحمد عبد اللطيف - اه يا صديقي
كان لي صديق يحب كتاب طوق الحمامة جدا
قراته معه في السنة الجامعية الثانية بهرني جماله
وادهشني الان فكرتك ان زمن العولمة لم يغير شئ
اظن الموضوع يختلف من انسان لاخر واظن روح اسلاف بعيدة سكنت الممسوسين بالعشق ووشوشت لهم نفس الكلمات
اشوفك قريب ايها الصديق الغالي


هناء- انا ايضا اشكرك طبعا

Heba y. Elnil said...

مدونة جميلة
زادتني حماسة للتواصل الادبي

هبه يونس

Rosa said...

مش لاقية كلام أقوله بس ربنا يرزقك بالحب اللي يحتويكي و يحتوي حياتك بكل تفاصيلها

Anonymous said...

ازيك يا نهى.

تحياتى للمشاعر الجياشه اللى كتير بنحس بيها ومش بنعرف نعبر عنها زيك.

عجبنى اوى الكلام ده(لا افكر في مسمى لما بيننا
لا افكر أنك لا تحبني كما اريد .. ولا اكره نفسي لأني أحبك أكثر مما يستلزم الأمر).

بس هو ازاى مجروح تحت شفته العليا.
ده بجد سؤال!!!!

وتفتكرى فيه حد بيحب حد اوى كده دلوقتى.

تحياتى ويارب ما تكونى زعلتى من تعليقى المره اللى فاتت.

مدمن كتاباتك.
محمد من جده.

Happy New Year:-)

bolbol said...

i love you

Anonymous said...

It's the first 4 me here after becomming haga Shaimaa :)

I liked this part when u talked about the keyboard..gameel ya Noha

mwa mwa

-_- said...

اشكر الله لانه خلقك لاجلي

Ola said...

مش عارفة اقول حاجة غير الله بجد

هو فى ناس لسه بتحب كده ؟ و ناس تستاهل انها تتحب كده ؟

ربنا يهنيكى يارب و يديم عليكى السعادة دايما و ابدا :)

شادي أصلان said...

هكذا انتي تخطفين الاعين وتلعبين علي أوتار المشاعر العميقة

دمتي مبدعة يانهي

أسف علي الغياب لفترة وكل سنة وانتي انتي

*^*AL.7aAzZeEnN*^* said...

السلام عليكم

كلمات ذهبيه و معبره على اشياء كثيره

بوست رائع و مميز

تحياتي

*************

القلب المنكسر

*****************

و السلام عليكم و رحمه الله و براكته

 

كراكيب نهى محمود © 2008. Design By: SkinCorner