Wednesday, February 27, 2008

الحياة قطعة حلوي

سالي - أسماء - ياسمين " معبد فيلة "
أسماء- عم بدر ياسمين وانا في بيت التمساح- التمساح ده حقيقي


أصحابي يوم حفلة توقيع مكعبات الرخام

في كافيتريا القطار المتجه لأسوان
تعلمت من أسماء أن أتعاطى الشيكولاته مع الشاي
هكذا اقتسمنا قطعة الشيكولاته الكبيرة بيننا نحن الأربعة
لن تعرفوا كم تفائلت بهذه الرحلة وبهذه الصحبة
اقتسم مع ياسمين وسالي وأسماء الشيكولاته والعب معهم لعبة الرجل المشنوق
نلعب ونقتسم حجرات النوم في الفيلا الواسعه الجميله
نغني أغاني بيئة للعظيم عماد بعرور " وقولي يعني بس يعني انت فاكر ولا ناسي وحمادة حمادة حمادة "معا
ونركب الجمل ونصرخ ونتزين بالحنة ونصعد المرتفعات وننعجن بالبشر واتماس معهم في لحظات النوم واليقظة
نحكي ونضحك ونقرا ونحفظ في أرواحنا ذكريات عبقرية
أضحك وأشعر بالبراح
أتساءل لماذا يرسل الله لي كل الناس الطيبة الجميلة
لا اجد إجابة وانا استرجع تاريخ صداقاتي كلها
رحاب صاحبتي التي تشعر بي واشعر بها دوما تلك المصبوغ وجودها في شوارعي التي احب في حجرتي وبيتها في كل ما جمعنا – وما جمعنا ويجمعنا دوما كثير-
هالة أختى التي عرفت معها كيف أن لو أني لي اخت – ترتيل التي أطمئن في وجودها ولا اخاف من شئ – شيماء التي تحتمل كل حماقاتي ولا تغضب مني – عمرو ضوء الشمس الذي لا يتحول لحروف لأن الدفء بيتحس – أصدقائي كلهم وهم كثيرون وحقيقيون كما اكثر الحقائق وجودا
منذ عدت من اسوان وانا في خلافات مع أصدقائي للمرة الاولى في تاريخ علاقتي بهم –
- حتى اني كنت أظن اني لن اختلف معهم ابدا
لكني كنت غاضبة وهم بالضرورة
كنت حزينة فعلا ومرتبكة واشعر ان العالم بدى مزعجا وأن لا أحد في هذا العالم يستوعب
وأن لغة الحوار بيننا مهترئة
رغم عني وضد ارادتي تقابلنا أمس كنت أبكي طيلة الطريق
كنت ابكي لاني أشعر بالقهر والغضب
لأني لن اجد ما أقوله لهم وليس لدي طاقة لأسمع شئ
أن يبدو العالم كصحراء بلا قمر ثم تظهر فجأة كل نجوم الكون لتضئ لك وحدك ..
أن تمسح على رأسك وتحمل عنك كل ما يزعجك ويؤلمك
أنا أبكي بلا حرج وانبش معهم في روحي
أن ألملم شتات نفسي بينهم
أن أغضب مني لكل ما أسببه لهم – وان أخجل خجلا لا تعرف الكلمات أن تصفه لأني حمقاء
وان لا شئ يعالج مواطن الالم في روحي إلا الحب الذي يغرقني به كل أصدقائي كم احبكم
كيف استطعتم الحضور امس! كيف كنتم تصدقون اننا لن نخسر هذه الجولة بيننا !
كم بدت الحياة جميلة واسعه – لا اعرف ماذا أقول لهم
أتصالح مع نفسي وفرشاه ألواني اعود لأصبغ عالمي بالألوان المبهجة والبالونات
أعرف أن اتحدث مع رحاب واخبرها كم احبها بجد رحاب أنتي عارفة اوقن بأنك تعرفين !
أبتهج لان مارس شهر بوابة عالمي السحرية قادم
أصدقائي أنتم قطعة الحلوى السحرية التي يكافئني بها الله دوما .
أنا أغلق يدي عليكم قدر استطاعتي واعرف انكم تطبقون على يدي حتى لا تفلت تلك الطاقة المسحورة .


8 comments:

yasmin said...

نهى صديقتي الحبيبة

كلامك كالعادة جميل ورقيق وميطلعش غير من حد شفاف زيك يا بنتي واحنا متبتين متخافيش على حتة الشيكولاتة اللي في إيدك لاننا لو تفتكري احنا الاربعة عشنا لحظات خوف وفرح وحزن وجنون وضحك وخناق حتى مع بعض فمش معقول كل الحاجات دي متعملش أصحاب جامدين والحمد لله فعلا انو عرفني بيكي وبأسماء وبسالي وبناس تانية كتير في حياتي أنا من غيرهم معرفش كنت ازاي هاقدر أكمل

الصحاب ايوة فعلا حتة شيكولاتة سحرية بتحلي الدنيا وبتخلي لها معنى كبير

Amr Ibrahim said...

أهلا بيكي تاني يا نهى بتاعت زمان
القلق اللي كان جواكي من القعدة دي كان جوانا كلنا
بس نتيجتها كانت أحلى من كل التوقعات
كالعادة تشبيهاتك ومفرداتك جميلة

وسبحان الله
النهاردة صحيت لقيتني باكتب الرباعية دي
من غير سبب معروف
لكن لقيتها ماشية مع المود
ويشرفني تكون مدونتك أول حتة أكتبها فيها

بين الغيوم والهموم نافد شعاع الشمس
طالع يحب الحياة لامس في قلبي لمس
ياللي انت زعلان انبسط ده الفرح جاي دافي
خلاص ما فيش الزعل حانساك يا ليل اليأس


تحياتي

سهــى زكــى said...

يا نهى ، الاصدقاء كنز حقيقى لا يظهر محتواه الا عندما يشتد بنا فقر المشاعر ، الاصدقاء الحقيقيون لا يغضبون ولا يكرهون ولا يستاءون منك أبدا ، هم فقط يخافون عليك وعلى حبهم وحبك ، هم يريدون ان يفخروا بك دائما ، هل تعلمين شيئا ان من اجمل عطايا الخالق سبحانه وتعالى لنا هم الاصدقاء ، تصورى انه لولاهم ما حييت حتى الان ، هل تصدقين ذلك ، اعتقد انك تصدقين ، ثورى ، انفعلى ، أغضبى ، ابكى ، اعطى ظهرك لهم وانصرفى دائما ستعودين لتجدينهم فى انتظار ابتسامتك ، وحضنك وحلوتك انت ايضا ، فكلنا حلوى لبعضنا يا نهى ، كلنا بنعيش على بعض ....بنعيش على بعض ...ربنا يديم عليك نعمته ويديم على نعمتى اللى انت منها يا نهنوه

حنيــــــن said...

احلى نهى فى الدنيا

انا اطبق على يدك وقلبك بحضن دافى كبييييييير
اد حبى لك
كنت داخله اكتبلك كلمه واحده بس
بحبك

اكيد انتى عارفه ده وحاساه
ماتزعليش منى
اوعى
ويلا استعدى العد التنازلى بدأ ومارس على الابواب
:)))

fawest said...

أنا فرحان بجد
لأ بجد انا فرحان
فرحان بجد أنا

نهى
مش عارف أقول لك ذلك
عارف هتزعلى منى كعوايدك
لكن أعمل إيه

فاكره لما قلتلك انك بعد حادثه قفل المدونه كتابتك بقت أحسن و ....
كتابتك اليوم مكتمله
فاكره
أيوه فاكره
بعد السفر و تجربته الجميله عشان كنتى مع ناس و أصدقاء جمال
رجعتى و كان فى حاجه اتغيرت تانى
أيو يا نهى
شعورك بتوتر علاقاتك مع أصدقائك مفرحنى
مش عارف هتفهمينى و لا لأ
انت عامله زى الولد أو البنت الى بيحسوا بنضوج فى الجنس
بيبقوا خايفين متوترين
مرتبكين
مع ان ده تطور و فايده ليهم

انت بتتغيرى يا نهى
الالم و السفر كلها تجارب
بتخليكى نكبرى و تخرجى من الشرنقه
أوعى تفتكرى الاصدقاء دول كلمتين على القهوه و سلامين و حته
لأ دول مرايتنا
لما انت شفتى دة فى اصحابك
يبقى ده حقيقى
عشان على رأى نائل
إحنا حد حقيقى

Anonymous said...

we law eny ya3ny makontesh henak bas walahy 7afzy 3ala elnas el7elwa fe 7ayatk 3ala ad mate2dary dah hewa eltharwa rl7a2e2ya
:)
sallaaam
dr/dina

مصطفى السيد سمير said...

لذيذة جدا
ربنا يخليكم دايما مع بعض
قطعة شيكولاتة واحدة
مبهجة

سكــر said...

ماشاء الله

مااحلى الصداقه

ربنا يحفظكم لبعض

صدقينى اى كلام هقوله

مش هيعبر بمدى فرحتى بصداقتكم

لانها بتفكرنى باصحابى

تحياتى
احمد سكر

 

كراكيب نهى محمود © 2008. Design By: SkinCorner