Saturday, May 31, 2008

بين يونس وبينك


قلبى ضايع مين يلاقيه لى
باينى نسيته حدا اهلى

ينفع أحبك من غير قلبي؟

كلمات عبد الرحمن الأبنودي - من اغنية أنا يونس



أتساءل كيف كنت سأحبك أكثر لو ان صوت منير ليس بيينا ؟
أخيرا .. وبعد طول انتظار ألبوم منير الجديد " طعم البيوت عندي على الكمبيوتر "
أخيرا استطيع ان اسمعه واعيده واختار اغنياتي منه .
أغنية " أنا يونس"
يخبرها فيها أنه لا يجد قلبه

ويستطرد بأنه ربما نسى قلبه لدى اهله ،

ثم يسألها ببراءة وشر معا – ينفع احبك من غير قلبي؟"
لماذا كنت أشعر في كل مرة اسمع فيها هذا السؤال انه سؤالك انت لي ؟
ولماذا في كل مرة كنت اخاطبك انت ؟– واجيب أنا انتظر حتى تجد قلبك
ثم أجد الإنتظار فعل سلبي أمقته ولا اظنك تحبه
أعيد الأغنية مرة اخرى
أفكر ان نبدأ معا من أول الارض .
من بداية العالم والخريطة.
لنذهب للبحث عنه – عن قلبك المفقود – الذي يلعب معك لعبة الاستغماء.
أنا أثق انه يسكنك.
ربما يخفق برفق لأنه مثقل حزين.
ربما بفعل النزف المجهد لم تعد تشعر خفقه .
ربما بالفعل نسيته تحت شجرة الورد تلك التي قبلت عندها حبيبتك الأولى .
تسألني " ينفع احبك من غير قلبي؟" أضحك واهز رأسي بعناد
ينفع جدا –

جرب وسترى!

20 comments:

سمر الشافعى said...

احيانا من شده حبك لحبيبك تتمنى انه يبادلك الحب دا حتى لو من غير قلبه حتى لو كان ساب قلبه ب ارادته عند حبيبته الاولانيه تتمنى بس انه يحس بيكى ويعيش حبك وتعيشى انتى على امل انك تقدرى تغلبى حبيبته الاولانيه وتعوضيه بحب اكبر واحلى بكتير اوى من حبها وقتها بس هتقدرى تستردى منها قلبه اللى سابه عندها زمان لانك بقيتى أحق منها بيه

تحياتى ليكى

تسنيم said...

طبعا ينفع لأنه عندما سيبدأ في حبك يا جميلة سينبت له قلب أخر عوضا عن الذي ضاع أو نسى أين تركه

سينبت له أخر أخضر له جناحان تملكينه أنت


:)

mostafarayan said...

دة حب جامد قوي دة يانهي

أيرة غجرية said...

حرام عليكي يا نهى ):

علي الالفي said...

طبعا ينفع

كراكيب نـهـى مـحمود said...

سمر - لماذا تبدو كلماتك ناعمه ومريحة وطيبة اكثر من بشارات الساحرات
مودتي

تسنيم- لأ احلى تسنيم
لينبت لنا جميعا قلوب خضراء تعلو فوق الوجع والالم قلوب خالصه للحب وحده
محبتي

مصطفى - كنت حاسه ان البوست ده تعليقاته كلها هتكون بناتي بس طالما الرجال طلع ليهم راي في الموضوع ده
ماشي

حب جامد تؤ تؤ الحب مينفعش معاه جامد دي الحب ناعم حنين طري كده يعني خالص مودتي


حبيبتي اميره غجرية - حرام عليا انا برضه ماشي ماشي
وحشتيني

صديقي الجميل علي الالفي- ماشي كلامك ينفع ينفع ينفع

Che_wildwing said...

ينفع احب من غير قلب
مينفعش احب من غير منير

fawest said...

أنا بسمع الاغنيه وبقرأ بوستك

بماذا أحسس الان، خمنى؟؟؟

Shaimaa Zaher said...

يعني مش كفاية الأخ ده إللي شبه بعرور ومش عندي الأغنية بتاعته لأ كمان مش عندي أغاني منير الجديدة ...أنا مضايقة أوي يا نهى..إهئ إهئ..

-----

البوست جميل وإنت وحشاني :)

اميمة عز الدين said...

اعتبرها تضحيةلا مثيل لها عندما تفتقدى قلبه وتتناسين انه لا يملك قلبا حتى لا تطالبيه ذات يوم بحقوقك من ذلك القلب
لا احد يستحق
تحياتى
اميمة عز الدين

شادي أصلان said...

انا بقي شايف انه ينفع اني احب من غير قلب
احب لما يكون قلبي ضايع
يبقي الحب هو الي هيخلي القلب دا يرجعلي
لانه طول ما الحب مش موجود القلب ملوش لازمة يعني مش هيكون موجود
اعتقد انها عاملةو زي البيضة والفرخة
الحب الاول علشان القلب يعيش
ولا القلب الاول علشان يكون في حب

كراكيب نـهـى مـحمود said...

Che_wildwing - غلبتني مينفعش تحب من غير منير


فاوست - تسالني سؤال صعب جدا علي بالكاد اعرف عن نفسي القليل
بالكاد فكيف اخمن عنك !

حبيبتي شيماء زاهر- تتسم كل المساءات التي اقضيها معك بالخفة والجمال شان صاحبتي فيها
حاضر يا مشمش هسمعك بعرور والاخ بتاع قولي يعني وكل اللي انتي عايزاه
وعن البوست شكرا انه عجبك محبتي

الروائية الجميله- اميمية عز الدين
سألني صديق لي ذات مرة عن سر طيبتي قلت له لست طيبة مطلقا انا رد فعل لتصرفات الحياه معي
اظن ان الحياه تهادني وتهديني بعض القلوب التي تستحق
اظن اني اقابل كثيرا من يستحقون ومن هنا ظننت ان العالم كله يستحق ربما اكون مخطئة لكني لا املك ان اتغير

شادي اصلان- الحب الاول ولا القلب اشكاليه مهمه لا اعرف اجابتها ولا اظنك هذه المرة تعرف خالص مودتي وشكرا على الزيارة

- أبوللو- said...

تعرفي يابت ياكراكيب (باللهجه الصعيديه)
تصدقي ينفع
انت عارفه اللي راح صلى وبعدين راح للشيخ سأله هو الصلاه تنفع من غير وضوء قاله لأ طبعا ماينفعش
قاله: تصدق بالله إنه نفع !!
ممكن..لأ مش ممكن..ممكن..لأمش ممكن
عويصه قوي يابتي والله
بس شخصيا..أعرف ناس لاقلوب لها
وتدعي الحب..
وسلميلي على الأبنودي ومنير
وحمارك الأزرق الصغير الذي نسيته في الزحام
لكنه يقب لي على وش الدنيا كل شوية
محبتي اللي بتنقط سكر
لافتكاساتك الرائعة
أقولك
ينفع!!

محض روح said...

تعرفي مش عارفه بس حسه الموضع صعب
الاغنيه ديه عجبتني اوي
:)
لسه حطها عندي في البلوج

محمد سلامة said...

القلب يقع في منتصف القفص الصدري و يميل ناحية اليمين قليلا
قوليله لو دور في المكان ده هيلاقيه و يحبها بقى عشان شكلها بنت غلبانه , لكن لو مرضيش يدور قوللها الواد ده من الأخر بيتسلى بيكي
و ربنا يقدرنا على فعل الخير

كراكيب نـهـى مـحمود said...

أبوللو - دزين-تصدق كنت بفكر في رد فعلك لما تقرا البوست ده
شكرا لانك احترت زيها
شكرا لانك لم تدعي الحكمة
وشكرا طبعا لزيارتك ومؤازرتك وتشجيعك دكتور زين انت غالي عنيد جدا جدا جدا محبتي اللي بتنقط سكر برضه

محض روح- اصدقك ان اللقا صعب والفراق صعب وان ميلاد الحب صعب وموت الذكريات اصعب اصدقك ان الاغنية حلوة وجميلة وتستاهل تنزل على البلوج خالص محبتي

محمد سلامه - بصراحه عملت خير جدا
كويس انك حددت مكان القلب مش فاضل غير عملية زرع او بحث او اكتشاف اذا كان بيتسلى هيروحوا القسم يعني ولا ايه الظروف خلي بالك لو جم عندك المستشفى تعمل الواجب وكده
شكرا على مرورك

sally said...

عارفة يا نهى أول مرة قريت البوست ده كنت قاعدة ما ياسمين واسماء في الشغل كالعادة وبعد أول سطرين قلت "انشالله ما حبها" والاتنين ماتوا على روحهم من الضحك.

ولما قريته تاني اتأكدت وجهة نظري: مش ممكن أحب واحد قلبه مع واحدة تانية أو مش معايا بأي صور من الصورة لازم يكون قلبه معايا أنا بس لان الحب ثروة من المشاعر حرام أن تذهب لمن لا يستحقها أو يشعر بها ويقدرها. لأ وعاوزاني كمان أساعده على استعادة قلبه المفقود يا طولة بالك ويا قوة أعصابك. الحب مصدر سعادة المفروض يعني . لكن لو حيبقى مصدر شقا وعلل فخليه بعيد عني أحسن

وأنا لسه مسمعتش الشريط على فكرة لكن حاسمعه قريب لاني بموت في منير

كراكيب نـهـى مـحمود said...

صديقتي الحبيبة سالي- هتجنن واشوفك هتعملي فيه ايه لما تحبي
بقى ياسمين واسماء ضحكوا طب لما اشوفهم
واللهي ا سالي زي ما البح مصدر سعادة في منقولة شهيرة بتقول برضه الحب بهدلة هوه بس اختلاف وجهات نظر حول الحب والعطاء والعبث والنفخ في الارب المقطوعه والامل وكل ده
لا اجزم ان كنت انتي واميمة وكل من رفضوا منطق البوست على صواب ام ان كاتبة البوست او بطلته الافترراضية على حق جد لا اعرف
لنترك الايام دوما تضع كلماتها الاخيرة
سالي خالص حبي بجد

صباح الخير يا مصر said...

كراكيب
*******
ان كنتى تحبينه فأنتظرى حتى يجد قلبه
و ان كنتى ممن لا يطيقون الانتظار فلتساعديه فى البحث حتى يجد قلبه.....و لكن اياك ان تحبين رجلا بلا قلب
وان كنتى تحبينه و لا تسيطيعين الابتعاد بحجة انك تثقين ان قلبه يسكنه وتلتمسين له الاعذار..........فتوكلى على الله فأنتى متيمه به.. فخيرا للانسان ان يخوض تجربته التى يريدها ليعرف نهايتها بدلا من ان يندم انه لم يعيشها
تحياتى

yasmin said...

تعليقي كالعادة متأخر ... نهى أولا وحشتيني وكدا ثانيا يونس أكتر أغنية عجبتني في شريط منير بس بيني وبينك لما قريت كلامك حسيت إن الاخ دا بيستهبل شوية تفتكري في حد ممكن يضيع منو قلبو بس عجبني قوي إصرار حبيبتو إنها تلف تدور له على قلبو لا وكبستو كمان وقالتو ينفع جدا ........ عحبتني قوي دي أصلها مش حجة كمان إنو حب قبل كدا ولا ايه؟

ميرسي على البوست الجميل يا جميل وميرسي كمان عشان خليتي سالي تقول بطريقة اللمبي "حب إيه .. اللي انت جاي تقول" بعد ما قرت تخيليييييييييييي ؟

 

كراكيب نهى محمود © 2008. Design By: SkinCorner