Tuesday, September 02, 2008

عادية


لا أتصور حياتي بدون " كتابة"
اظن ان توقفي عن الكتابة هو اشد مأزق قد اتعرض له في حياتي
طيلة الايام الماضية لم أجلس لأكتب شئ
ربما كتبت بضعه أسطر ثم فقدت حماسي لإتمامها
كنت ابحث عن فكرة جديدة .. عن شئ عظيم يستحق التدوين

أو ربما كنت أتعمد ان أتوقف عن تدوين " العادي"
كل ما يشغلني ويدهشني ويثيرني هي الأشياء العادية جدا
فجأة شعرت أني لا ارغب في فعل ذلك ..

كنت أحاول أن أدرب عقلي على استيعاب الأمور والأحداث دون أن أنقشها على جدران ذاكرتي ووعيي
كنت اريد للمشاعر الكثيرة التي ملئتني الايام الماضية ان تنتهي لحظة حدوثها .. ألا توصم بأبدية الوجود
كنت احاول ان امارس حياتي بشكل طبيعي دون فلسفة للأمور
عندما كنت اشعر بالحزن الشديد كنت اغلق هاتفي وأبتعد عن لوحة المفاتيح والاقلام والورق واستسلم لما أشعره حتى دون ان اترجمه
كنت عندما أقاوم الحزن .. واختار ان انحاز لجانب الفرحة والسعادة افعل ذلك فقط

كنت احاول تعطيل جهازي العصبي الحساس جدا بطبيعته لكل ما أشعر
تقول لي امي أن ازمتي الحقيقة أني أدير العالم من داخل رأسي ولا اهتم لما هو عليه في الحقيقة.
وتقول لي صديقة مقربة أن مشكلتي تكمن في اني اراقب نفسي أكثر من الازم

تختلف مشكلتي تبعا لنفسية وثقافة والخلفية المعرفية لكل من يجلس معي ليبحث في أمر كتابتي وحياتي
للجميع حق ابداء الرأي
بدت لي " الخصوصية " فكرة يوتوبيه لا اعرفها في مملكة الكتابة
هل جرب أحدكم ان يحاول ان يخفي عن نفسه حقيقة مشاعره حتى لا تغافله وتحولها لكلمات .. اظنني نجحت الأيام الماضية
ثم تهاويت تحت وطأة الشوق للكتابة والرغبة الخالصة في مداعبة لوحة المفاتيح .

والكثير من الحكايات التي رغبت ان أسجلها ...

وطلاسم مشاعري التي امتلئت بها جعبتي كل ذلك جعلني أفك عني الحصار

وأفتح صفحة بيضاء

وأمارس خطيئتي الجميله في تلويث الصفحات بجنوني وارتباكي وكل أشيائي العادية .

15 comments:

Anonymous said...

:) no comment will be better
kol sana we enty dayman noha
:) ramadan karem
salam
dina

Anonymous said...

طيب أنت وحشاني جدا وعاوزة أشوفك قريب، ينفع؟

صباحك كل حاجة حلوة في الدنيا

Anonymous said...

رمضان كريم وكل سنة وانتى طيبة يا نهى ورمضان الجاى ان شاءالله تكون كل احلامنا الصغيرة اتحقق ولو حتة منها
وعلى فكرة انا جدا زعلانة منك وارجو تعرفى السبب
سلام
اميمة

Anonymous said...

الكتابة اجمل خطايا الدنيا
واروع امراضها

تحضرني جملة لبهاء جاهين

" إن كنت داء .. أيها المقتحم
فلعنة الله على الدواء "

تحياتي

Hopiz said...

ممكن اسالك سؤال؟
انت برجك ايه؟
الحمل؟

Rosa said...

مش عارفة يا نهى يمكن الحالة اللي كانت عندك هي حالة زهد مؤقت لحاجات اتعودتي عليها.

مش عارفة أنا كمان الفترة الأخيرة و على ما يبدو لفترة طوييييييييييييييييلة جاية عندي حالة زهد لكل حاجة و أي حاجة. عندي حالة زهد للحياة نفسها و حاسة زي ما تكون حياتي هانت علي فعلا و مش عايزه أعيش الحياة دي رافضها بكل ما فيها و من فيها.

بس الفرق بيني و بينك بقى اني على يقين ان الحالة دي مش هتروح من عندي و هتفضل موجودة لاني قررت اني أرضخ لها.

هو بس السؤال الغريب اللي بيؤرقني رمضان هو شهر الخير و البركات مش غريبة انه ييجي علينا بكل هذا القدر من الحزن و الغضب؟

بقول لنفسي أكيد المشكلة مش في أيام ربنا الكريمة دي انما المشكلة في نفوسنا الضعيفة هو دا الاختبار الحقيقي.

بس بواسي نفسي و أقول لها ما هو غصب عنك الضغوط بتبقى ساعات مش سهلة و بتسير الواحد رغما عن ارادته يمكن للصح على الرغم من ان شكله العام يبدو خطأ.

ربنا يبعد عنك الحالة الوحشة دي و يهونها علي

مودتي

كراكيب نـهـى مـحمود said...

د. دينا - رمضان كريم
شكرا على بدون تعليق هيههههههههه
كل سنة وانت طيبة وجميله

شيماء زاهر-وانتي كمان وحشاني هنتقابل الاسبوع ده هكلمك اقولك صباحك احلى صباح يا مشمشة

العزيزة جدا -اميمة كل سنة وانتي مبدعه واحلامك كلها متحققة الصغيرة منها والعظيمة
موضوع الزعل ده عايز قاعده
بس مبدئيا انتي غاليه عندي جدا مقدرش على زعلك

كراكيب نـهـى مـحمود said...

مصطفى السيد سمير - الكتابة اجمل الجنون واقساه

hopiz- انا برجي متوافق مع برج الحمل لانه ناري مثلي
انا برح الاسد وهو يصنع صداقات وعلاقات جميله مع سكان برج الحمل
بس ايه علاقة البوست بالبرج

Hopiz said...

معلش يا نهى السؤال كان بدون مقدمات
اصل كتابتك واقعية قوى و فعلا ده الى انا بحسه كل فترة فى الكتابة فى مدونتى بالضبط
حسيت انى انا الى بتكلم
و انا برج الحمل
فقلت جايز تكونى من نفس البج

كراكيب نـهـى مـحمود said...

ام هاجر- يحيرني استسلامك للشجن بهذه الطريقه
انت الروح الرقيقة المبهجة
التي تعرف معنى بهجة كوب الشيكولاته الساخن في ليالي الشتاء
معنى متعه قراءة كتاب جميل او مشاهده فيلم عذب او مقطوعه موسيقية
انا متضايقه اوي ان الغضب والمشاعر السيئة عارفه تنتصر جواكي على كل الهدوء والملائكية التي تتسمي بها
روزا حبيبتي رمضان كريم وكل سنة وانتي طيبةوربنا يبعدعنك كل الهم ان شاء الله

hopiz- عندما دخلت مدونتك شعرت بحميمية ودفء كاني في مكان اعرفهجيدا وكنت فيه منذ قليل
صدق حدسك بيننا تشابه اصجحاب البرج الواحد
خالص مودتي ونورتي كراكيب

Hopiz said...

نهى
أسعدنى بجد تعليقك و من قبليهمزيارتك و انا اقول المدونة نورت قوى كده ليه
و اسعدنى اكتر بكتير انك لقيتى وجوة التشابة بينا
اتمنى الصلة بنا لا تنقطع

first pilots said...

hi
for a dummy reason ( I even don't know what it is ) I like to listen to this music from ur blog , even If I have it on my hard

Tiftikry leh?

سمر الشافعى said...

ايه دا ايه دا انتى عاوزه تحرمينا من انك تسعدينا بكلماتك الرقيقه الجميله وتاخدى اجازه وتحبسى احساسك ومش تشاركينا فيه

كدا هتزعلينى منك يانونا ياجميله

انا بقالى فتره مش بدخل المدونه لكذا سبب بس لقيت كتاباتكو وحشتنى وخصوصا انتى بجد

انا كمان برج الحمل وفرحت لما قلتى انه بيعمل صداقات كويسه مع الاسد ياجميل

كل سنه وانتى طيبه وجميله وسعيده يارب

شادي أصلان said...

ما اجملها من خطيئة
تجعل ارواحنا تستمتع

لذلك ارجوكي داومي علي ارتكاب تلك الخطيئة لكي تحلق ارواحنا دائما

Anonymous said...

لمستى جروحنا يا نهى يا بنت محمود ما تسيبى اللى نايم نايم واللى صاحى صاحى والحكومه بتطبطب علينا بايد وتأكلنا للديابه بالتانيه زى ما امريكا بتعمل مع الدول اللتى يقال عنها عاصيه للطغيان والهيمنه الامريكيه بس اللى بيجرحنا ان حكومتنا مننا مصريين يعنى

 

كراكيب نهى محمود © 2008. Design By: SkinCorner