Monday, December 24, 2007

حلم ليلة شتا


تعرف أمي اني كائن هش واني لا احتمل وجع الحب
هل يعني ذلك بالضرورة انها متورطة معي في كل لحظات الم اكتشاف مخاض الحب ..
هل انت متورط معنا في ثالوث مرعب لا فكاك منه

يسألني لمادا يزعجني الزواج
اخبره بانه نظام عبثي مزور قائم على الدعارة بالضرورة
واني ساعيش مع رجل احبه ويحبني بذلك النظام الاجتماعي السائد في العصر الذي سالقاه فيه

يعرف الطاهر شرقاوي اني لا اكتب بنضج عن الرجال لانهم حقائق عبثية في الكون وانا لا اشجع الخرافات
ولا أومن بوجودها ولا ارغب في ترويجها
يعرف رجل يدخل مدونتي مختلسا اني اقصده هو بكل لعناتي
وأنه نجح اخيرا في ارسال ملائكة جحيمه لسحب كتلة الدم المتجمعه في قلبي
دون وعد أكيد بتوقف النزف
تعرف هبه بنت خالي اني انهيت كل حساباتي من وجع القلب مع هذا العالم
وتعرف الدموع المنسابه من عيني الان أني أهذي ولا اقصد حرفا مما اقول

وتعرف هاله صديقتي اني هشة كورقة شجر منسحقة
تحت اقدام البشر في ليلة خريفية ومع ذلك تدعي امامي انني قوية

ويعرف الله اني غاضبة وحزينة وطالع ميتين أهلي بهده التركيبة التي جعلني عليها وأظنه يبالي وأمتن له

11 comments:

هالة said...

كلنا صغار أمام الألم
لكن من واجبنا ان نستدعى قوى كامنة بداخلنا لننهض ونقاوم ونستمر
وقد رابتك قوية في مواجهة محن صعبة مؤلمة ولكنك استطعت المقاومة ونفرت من الاستسلام

انتي كائن جميل رقيق في عالم اصبح القبح هو الشائع فيه

لأجل من يجدوكي الدفء في ليلة الشتا-قاومي

تدور الدنيا بينا
ويجرى مهما يجرى
وكل نار تطولنا
هنخرج منها اقوى

سهــى زكــى said...

حتى تموتين ستظل تلك الكتلة الحمراء ف القلب تؤرقك ، حتى تموتين سيظل هناك مداعب لها ، لا ثوابت فى نبضها ، لا ثوابت ، فاليوم هو وغدا آخر ، فقط هو الوهم عزيزتى ، الوهم هو ما يجعلنا نعتقد ان قلوبنا ستتوقف عن النبض برحيل أحدهم , ولكن الحقيقة أن قلوبنا يزداد نبضها وتزيد قتامة لونها بالزائر الجديد ، فى كل مرة يرحل احدهم يخلف ورائه حزنا مطلوبا تماما فى هذا الوقت ، انها الحكمة المقدرة ، لابد أن نحزن حتى بكاء الدم ، حتى نفرح بجريان الدم فى شرايننا الموجوعة ، سترين وسأرى ، تحياتى لجبروتك يا بنت

سهر الليالى said...

لا اعرف ماذا أقول يا نهى أمام كلماتك
لكن وجع القلب موجود مدام القلب موجود وليس بيدنا أن لنا قلب ينبض

تحياتى

teba said...

صديقتى
المرة دى انتى متمردة فعلا
انتى عارفة على قد ما فية حزن فى كلامك
على قد ما انا حاسة انك خلاص..رميتى لجامك و الاساور اللى مزينة رقبتك
وجريتى...جريتى و محدش هايقدر يوقفك
الا لو انتى حبيتى تقفى

MOODY said...

بيقولو ان القمر دخل برج القوس يعنى فى تغيرات هتحصل و ناس كتير هتبان على أصلها الرائع
نهنوه يا جميلة انتى ازاى قادرة تحولى آلامك لكتابة مميزة بالشكل ده رغم تحفظى ان الرجال مش حقيقة عبثية ف الكون بس هى المرأة اللى بتقوم بالدور الأكبر حالياً..استمرى فى ضخ أحلامك و كوابيسك أيضاً
:)(:

حنيــــــن said...

مش عارفه يا نهى دخلت اقولك كلمتين وحبيت اقرا الاول التعليقات الخمسه
وتوقعت او يمكن تمنيت الاقى حد بيقول اللى حسيته
بس ما حصلش
لتانى مره
كلماتك مستنى تماما والله
ووجعت قلبى من جوه
واحزنتنى اكتر انى مش عارفه اخدك فى حضنى واطبطب عليكى
وابقى قريبه منك زى زمان
بس ده برده ما منعش استفزازى من آخر سطر والكلمه اللى فيه
ايه يا نهى
مهما بلغ بينا الغضب
ومهما اتخنقنا
ومهما ومهما
ده مش مبرر اننا نفقد هويتنا الجميله
وتتوه مفرداتنا المهذبه الرايقه ونسمح للقبيح انه يحتل الجزء الاكبر منها
بس كده
معنديش كلام تانى

الغريب said...

سلامتك من أي حزن أو بهدله
بجد انت انسانة رقيقة وتستحقي الاحترام
نهى
طبعا أنا مش قريب منك كفاية عشان أعرف حاجة
بس بجد انت حد كويس أوي
خلي بالك من نفسك
تحياتي

Reemo said...

ويعرف الله اني غاضبة وحزينة وطالع ميتين أهلي بهده التركيبة التي جعلني عليها وأظنه يبالي وأمتن له

gamda awy el gomla de ya nona
howa da blzabt elly 3ayza a2olo
:))

fanan fa2eer said...

رقيق ومؤلم



الألم هو الضيف الذي لا يأبه لكونه غير مرحب به

ولا يسع البشر الا محاربته حتي ينهك قواهم

أنتي تستحقي الأفضل

fawest said...

وأنه نجح اخيرا في ارسال ملائكة جحيمه لسحب كتلة الدم المتجمعه في قلبي
دون وعد أكيد بتوقف النزف


الجمله حقيقى جميله
بس مش متناسبه مع حاله موقفك من الرجل
كما فى البوست
ممكن نقول تناقض
جميل أحب ذلك
لكن ميجيش فى لمحه خاطفه
وإلا هيبقى ندبه فى النص
مش قوه

Om HAGAR said...

"ويعرف الله اني غاضبة وحزينة وطالع ميتين أهلي بهده التركيبة التي جعلني عليها وأظنه يبالي و أمتن له"

مش عاجبني الأسلوب دا يا نهى و على فكرة أنا زعلانة قويييييييييييييييييي :((((

 

كراكيب نهى محمود © 2008. Design By: SkinCorner