Tuesday, February 26, 2008

رنين صمت

كل المعاني مبهمة
تماما كذلك الشعور الأول للوجود ...
ليس ثمة تعبير لمن يجهلون اللغة
ليست هناك كلمات تنتقل في الفراغ
هكذا هي الآن
رغبتها التي تزداد يوما بعد يوم ان تبقى وحيدة ..
ان تشاهد تفاصيل الشوارع وحدها .. تنظر في وجوه البشر كأنها تطالعهم لأول مرة
تجلس في قاعة السينما المظلمة وحدها
تقتسم مع وحدتها تفاصيلها العظيمة البلهاء – لا تدعو أحد للمشاركة .
لا ترغب في لحظات حقيقية أبدا ..
للإفتراض فعل السحر على روحها المثقلة بالدم واللحم والأرواح
بالأعباء والأحزان والذكريات
بالضحكات التي لم تعد راغبة في بعثها لعالم النور ..
تقطع كوبري قصر النيل بلا شريك .. تسكن بياض الصفحات بلا رغبة في تجسيد أخرين ..
لا تفكر في شئ - صمت الأفكار – شعور جديد تستدعيه ويستجب
تلمسه تتأكد من براح بوابته تدخل
تجلس على أرضيه الحلم تفرد ساقيها وتحل شعرها
تستند على وسادة محشوة بالسحب
تشعر بالراحة كما لم تعرفها من قبل
تغمض عينها
وتستسلم لرنين الصمت حولها .


8 comments:

_ زين_ said...

لما بامشى على كوبري قصر النيل وبالمناسبة الكوبري ده ليه ذكريات مش ولابد،بألاقيكي ماشية لوحدك..طب ليه؟.. قوم إيه تطنشي..وترمي لقلبك حتة لحمة يتلخم فيها..
أنا مش عارف إنتي بتجيبي الجمل السحرية دي منين..حقد بقى..
صباح الجمال والوحدة

صوت من مصر said...

الوحده مر قاتل ولو هبقى لوحدى مش هزعل لانى بحب اكون لوحدى
ده كلام كتير بنسمعه بس فى الاخر ؟

Anonymous said...

والله يا نهى من اجمل ما قريت فى حياتى.

تعبير رهيب عن حاله بنمر بيها على

طول التفكير فى اللا شىء.

واسم ناجح جدا جدا

احييكى

مدمن كتاباتك.
محمد من جده

استراحة محمد said...

جميل كلامك وشكلك كنتى حاسه قوى اللى بتقوليه .. اتمنى تزورى مدونتى المتواضعه وتدينى رأيك
mobkhat.blogspot.com

saadebaid said...

الله
انتي وقعت في عشق الوحدة
ان تخلصي للصمت والا تقطعيه
ان تتركي نفسك للافكار دون توجيه
تتمشي لوحديك ليه ناس كتيير بتنكر متعتها بس دي انا بعملها كتير
لما اكون متضايق ومش عاوز اشوف حد عشان مزعلش حد بدأت كده انا انا اكون وحدي عشان محدش يتأذي من غضبي او حزني بعد كده اتحولت لمتعه
بس برده دنيا من غير ناس ما تداس

كراكيب نـهـى مـحمود said...

د0 زين
صباح الجمال والحب والوحدة وماله اه يا قلبي

صوت من مصر -في الاخر الحياه تجد سبيلا والناس بترجع لكل اللي في لحظات الحزن اخدت قرار بالتوقف عن فعله

محمد - شكرا لك على تواصلك الدائم الله يخليك مودتي طبعا

محمد عصام- مدونتك لطيفة اوي
وفكرة كويسه طبعا اننا لما نحس اننا عايزين نقول حاجة نعمل مدونة ونتكلم احيك اوي طبعا كنت حاسه دايما بكون حاسه بشكل ما كل اللي بقوله


العزيز سيد- طبعا طبعا الدنيا من غير ناس بايخة بس ساعات بنمر بالحاله اللي انا وصفاها دي
اما عن وقوعي في عشق الوحدة
لا لا لا مينفعش خالص
نورت

Ana keda said...

بصى اولا دى حالتى لاوقات كتير

بس رنين الصمت اجمل كتير من وجودك وانتى مش عارفة تستعى مع نفسك

وانا بحب اكون لوحدى جدا

Anonymous said...

ya 7abebty dah esmoh ekt2ab ..
:)
salaaaam

dr/dina

 

كراكيب نهى محمود © 2008. Design By: SkinCorner