Sunday, May 25, 2008

يحدث أحيانا


ليس النوع المصنوع من الدانتيلا الرقيقة هو نوعها المفضل فحسب
لكن اللون الابيض تحديدا يذكرها بأول قطعة لامست جسدها
كانت سعيدة تذكر ذلك
..

لا يفسد ذلك الإحساس ...
شعور الارتباك المزدوج بالسعادة والحزن في تلك الجلسة البعيدة في ذاكرتها
امامه تماما لكن عينها لا تلقى عينه
بينهما الماذون وحكم من اهله واخر من اهلها
لم تفتح فمها بكلمة تركت الرجل يلقنه الكلمات وسمعته يرددها خلفه
هكذا سمعت دوي كلمة " انت طالق" مرتين في لقطة واحدة
كانت تبتسم للجميع
وقت طويل قضته في توزيع الابتسامات على الجميع

قبل ان تنهار في فراشها وتهمس لنفسها بانها انتصرت

لم يكن تكرار مشهد المقهى وميدان طلعت حرب هو ما يشغل تفكيرها
لم يكن الكلام المعاد ولا اللقطات المتكررة
لكنها كانت لحظة انفصالها عن جسده بعد خطيئة كل مساء

هو ما يحتل مساحات الصمت السائد بينها وبين الجميع

جلست امامه في الصباح
أخبرها انه يحبها .. صمتت قليلا قبل ان تقول له انه فاجئها
لسان حاله يقول .. وحياة أمك
بينما كلمة خدي وقتك ومعها ابتسامة مصطنعة تنهى المشهد

15 comments:

Anonymous said...

والله الراجل طلع كويس ومؤدب وابن حلال
كويس انه كان هيقولها وحياة أمك وبس..مع تحياتى ..بوست يجنن كالعادة
أحمد مجاهد

بنت القمر said...

هو الجزء اللي بالاخضر ليه علاقه بالازرق
ولا دول جزئين منفصلين
يعني هي نفس البطله
ولا ده موقف تاني لواحده تانيه
يعني دي علاقه مرت بيها بعد طلاقها ولا ايه؟؟
بصي بصراحه
انا مشتته
وحاسه الجزئين ملزوقين في بعض
اسفه
==============
استمتعت جدا بصدفه متكرر الحدوث مثلا
ومسمار
تحياتي

HANY YASSIN said...

السلام عليكم
ابدعتى فى وصف المشهد
اسلوب جميل وبسيط
دمت بكل ود
خالص تحياتى
هانى يس

نتشرف بزيارتكم مدونتى

hanyyassinblog.blogspot.com

KING TOOOT said...

إزاي يكذب لسان الروح على روحها
و إزاي تداوي جراح الماضي بجروحها
و إزاي في وسط شعورها بنصرها الواهي
الضحكة تفضل و ماتغرقش في دموعها
و عجبي
KING TOOOT

محمد سلامة said...

لا مؤاخذة يعني
لا مؤاخذة
ممكن يكون مخي تخين شوية
هما الناس دهما هما هما دكهما ؟ ولا دهما مالهمش دعوة بدكهما
جواز
طلاق
رزيلة
أنا بحبك
مش كده برضه ؟
و في كمان سؤال إذا مكنش فيها إساءة أدب يعني
هو أخينا اللي قالها بحبك هو نفسه أخينا اللي قبل منه و إذا كان هو
يبقوا كانوا بيتنيلوا مع بعض على أساس أيه ؟
إنسانيات مثلا

mohra said...

اليس غريبا ان يبدأالناس حياتهم بمنتهى الحب و الامل و فى خلال بضعه سنين يتحول كل شيئ حتى يضحى الانفصال عن الآخر انتصارا؟؟؟
تحياتى

كراكيب نـهـى مـحمود said...

احمد- دايما نيتك وحشة كده ماشي يا سيدي
شكرا لتعليقك كل امنياتي الطيبة لك

بنت القمر- اولا شكرا على تعليقك
ثانيا عندي مشكلة في شرح اللي بكتبه بحسه تدخل في ما لا يعنييني
لما بحس شئ وبكتبته بقصد بيه شئ طبعا لما بشرحه بحس زوال سحره ضياع روحه بحب اسيبك تستقبليه زي ما انتي عايزة تبعا لاطارك المرجعي لشكل اللقطة اللي جرحك روحك حتى لو حسيتي بتشتيت او كان عندك مشكلة في قبول البوست ده حقك طبعا
اقولك يمكن تكون نفس البطلة يمكن تكون بطلة تانية يمكن يكونوا قريبين او ميعرفوش بعض يمكن تحبيهم او تكرهيهم
انت على راحتك تماما في تبني العداء او الحب حيال تلك الحروف انا طرف ثالث مات بمجرد كتابته لسطوره
مودتي

هاني يس- شكرا لك
ونورت كراكيب مدونتك جميلة مبروك

كراكيب نـهـى مـحمود said...

كينج توت- الشعر ده عن الفقرة التانية وجع قلبي فعلا
تسلم ايدك عجبي

العزيز محمد سلامه- اهلا وسهلا منور دايما
اممممم
كنت لسه بقول لبنت القمر ردي على تساؤلاتك دي - استعمل خيالك ورغباتك الدفينة في حل هذه الالغاز التي تطرحها علي اجابتي اظنها تخص كاتب السطور واجابتك تخصك واجابة الاخرين بالضرورة تخصهم
لا تجهد ذهنك في تفسيري انا صدق ما يقوله لك حدسك

د- مهرة- بحب الاسم ده جدا ومدونتك لطيفة خالص
تساؤلك حقيقي ومؤلم
واظنه غريبا ومشينا ان يتحول الحب والامل لجنون وكره اظنه كذلك فعلا مودتي

Unknown said...

بوست شاعري أوي لكن "وحياة أمك دي خرجتني من المود خالص

حرام عليكي يا نهى كان فيه مليون طريقة تعبري بيها من غير ما تفسدي جو المشهد

سالي نبيل

Ahmed Al-Sabbagh said...

انتى رائعة دائما بجد

وانا اتشرفت بيكى اوى فى حفل توقيع كتابكو

مستنى الصور بقى

ahmed4u21@yahoo.com
ahmed000eg@hotmail.com

Anonymous said...

عاجبني البوست...يحدث أحيانا أنه تكون كله حاجة مصطنعة..زي الأخ إللي قالها أنا بحبك وهو شكله بسيتعبط وزي الانتصار إللي تخيلت إنها حققته

بس أظن فيه بعد تاني في البوست عجبني ..وهو فكرة إن البنت في المجتمع ده مالهاش دور فاعل في حاجة وهي إللي بتاخد دايما رد الفعل..جايز أكون أنا مبالغة شوية بس ده إللي حسته

وأخيرا ..وحشاني جدا

yasmin said...

نهى البوست جميل قوي وواقعي قوي كمان يا ما ناس بتتجوز بالطريقة دي وفعلا بيبقى إنهم يسيبوا بعض دا انتصار وبتبقى علاقتهم الحميمة خطيئة ورذيلة. تسلم ايدك وعينيكي ولتحيا الواقعية عجبتني قوي الحتة بتاعت اختلاط السعادة بالحزن في الفرح عارفة بحسها قوي في الافراح وبحس اني عارفة

حاجة بقا كدا على جنب ومتأخرة كمان ألف مبروووووووووووووك على الذكرى الاولى للرواية اللي انا لحد دلوقتي مستنية تكتبيلي عليها عارفة اني يمكن أكون آخر واحدة أهنيكي بس بحاول اكلمك ومش عارفة أوصلك عقبال روايات جميلة وحلوة كلها موقعة منك ليا ;)

حبي وإعجابي الشديد بالبوست دا اللي يمكن يبان ملخبط بس انا شايفاه زي تيار الوعي كدا في الادب الشخصية بتكتب حاجات يمكن تكون ملهاش علاقة ببعض بس القارئ محتاج يفكر فيها ويربط بينها

وحشتيني يا بنت

كراكيب نـهـى مـحمود said...

سالي- مشكلتك انك مش راضيه تسمعي العظيم بعرور محتاجة ثقافة موازية للكلام المهم والراقي اللي بتقريه وتسمعيه
كان فيه مليون طريقة طبعا بس انا كنت عايزة كلمة صادمة مكنش قصدي تيجي فيكي معلش
صباح الفل

أحمد الصباغ- شكرا لزيارتك كراكيب وشكرا على تعليقك الرقيق
اسفة على تاخير الصور لكن بعتها فعلا
مبروك اصدار الكتاب

العزيزة شيماء زاهر ابتسمت عندما قرات تعليقك شعرت انه غاضب وعنيف وتسائلت كيف تخرج المشاعر المندفعه هذه من احد له عذوبتك ورقتك
ليكن هو كل ما قصدتي انتي في هذا البوست وكل ما قصدت انا
وانتي كمان وحشاني اشوفك قريب جدا وميرسي على التوصيلة

ياسمين- اهلا اهلا اهلا
عود احمد ومحمد وابراهيم
حمد لله على سلامتك
شكرا على رايك في البوست دايما رافعه معنوياتي كده الله يخليكي
انا هتشرف فعلا اني اوقع لانسانة جميلة وقارئة مثقفة جدا زيك اي وقت يا سمسم
تحليلك للشخصية في البوست قريبة جدا جدا من وجهه نظري عجبني تحليلك اوي
على فكرة ليكي عندي مفاجاة يوم الخميس
خالص محبتي ووحتيني يا بنوته

علي الالفي said...

ابلة نهى
يدهشني جدا انى بقالي كتير مش باجي هنا لحد ما حوشت كمية جامدة جدا من الحاجات اللي للاسف الفترات اللي باقعدها في السيبر مش هاتخليني اقراها كلها
يعني تمن 10 نسخ من الرواية اللي لسة ما شوفتهاش

Anonymous said...

بصراحة يا نونا انا متقفة مع سالي في حكاية "وحياة امك" دي خرجتني من المود برغم اني كنت بجاهد علشان الاقي رابط.. لكن انا ممكن امشيها على اعتبار ان العلاقة بينهم مصطنعة يعني بيشتغلوا بعض.
بس اكثر حاجة اثرت فيا هيه حفاظها على ابتسامها في اكثر اوقات حياتها صعوبة وفعل "تنهار" رااااااااائع. صحيح هوه انا هنشوفك يوم الخميس ؟!!!!!

 

كراكيب نهى محمود © 2008. Design By: SkinCorner