Monday, June 30, 2008

الجانب الآخر


بالقلم الرصاص أرسم بوابة خشبية لها مقبض على شكل دبدوب
يبتسم إذا ما ضغطت على أنفه وانا أفتح الباب

في الجانب الآخر
تتبدل ملابسي لفستان قرمزي قاتم كحبات التوت
التي تصنع بقع أبدية في القلوب .
في الجانب الآخر تقف أنت تنتظرني
في حضنك أغيب وعلى لحن أغنيتي التي أحبها نرقص
وفي ذروة النشوة والتحليق أبكي حين تعتذر انت عن الغياب والرحيل
حين تعود ترمم النتوءات التي صنعها خروجك من روحي
حين تعود تلملم الدموع عن عيني
وألملم العشق عن شفتيك

في الجانب الآخر من الباب
نجلس في حديقتنا التي أنهمكنا في رسمها طيلة الليل
تحمل السلم الخشبي وتصعد للسماء
ترسم هناك نجمة تشبهني
وتهديني قوس قزح يغير لون عتمة الليل
عند القمر ترسم بقلمك الرصاص ابتسامه
وعلى حافة الجبل الثلجي في الكوكب البارد الموحش
ترسم قلب وحروف أسمي وتكتفي

في الجانب الآخر
تحقق لي كل أحلامي .. نعود لبدايات العالم
من البحر تجمع المحارات وتصنع لي وجبة مالحة
ومن الغابة أجمع لك الثمار وأصنع " فروت سلاط"
ألمح ابتسامتك الآن

أبتسامتك تضئ عتمة ايامي
وطيبة قلبك تدثرني من صقيع الحنين
أما أنا فأصنع لك دوائر ملونة وابوابا نحتمي عبرها من الحزن .

15 comments:

هناء said...

جميل، كالعادة

moony said...

أنتى كل مرادفات الروعة والرقة والسحر..أيتها المستحيلة..لن أزيد حتى لا أفسد هذة الحالة المتميزة التى صنعتيها بفطرتك التى تفتن كل من يعرفك او يقرأ لكِ,حالة لا يطلق عليها سوى.."نهى محمود"اذا كانت تلك هى الكراكيب,فسحقا للنظام والترتيب.

Anonymous said...

خليكي عايشة في الوهم.

أنا واحدة صحبتك بس مش هأقول على اسمي علشان الناس ماتشتمش فيا. لما أكلمك هاقولك أنا مين.

Ahmad Abdulatif said...

هي المرة الأولي التي أزور فيها مدونتك ، وكانت بالصدفة ، لكنها صدفة سعيدة ، لأنني استمتعت بما تكتبينه .
واسمحي لي ان اعاود الزيارة . صديق جديد

شيمـــــاء said...

ليت لنا جميعا جانب اخر مثل جانبك

كراكيب نـهـى مـحمود said...

هناء - الله يخليكي شكرا لك

موني- يا خبر كل الكلام الجميل ده علشاني انا متشكره جدا
ودمتى جميلة

صديقتي المجهولة - تصدقي اقعدت افكر مين من صحباتي ممكن يقول كده شكيت في نص اصحابي مثلا ولقيته عدد كبير اوي
وده نقلني لفكرة تانية اما اني اتخلص من الوهم او من صحباتي الواقعيين
ولقيت الحل التاين اسهل
هيههههه
بهزر بهزر انا بتعايش سلميا مع الاتنين مودتي طبعا

احمد عبد اللطيف - صباح ساراماجو يا فندم
المدونة نورت فعلا وشرف ليا الزيارة دي

شيماء- عيب تقولي كده دانتي فنون جميلة يعني الاقلامالرصاص كلها والرسم كله
ايهخ متعرفيش ترسمي باب مخدتيهاش في المدرسة

fawest said...

ردك على الصديقه المجهوله حلو


و بالنظر الى التدوينه كنص أدبى وليس كما فعلت الصديقه المجهوله، لأنى أمقت تلك الطريقه

الصوره متكامله الى حد جميل وأسعدنى لكن لم يعجبنى تمسكك كلعاده بالفروت سلاط

وكمان متهزريش مع االصديقه المجهوله إلا لو كنتى عرفتيها
وأظن ذلك

مُزمُز said...

انتي مختلفة بشكل رائع بقالك فتر طويلة
وانا عمال اقرا في صمت وترقب

قصايد قصايد قصايد يا نهى

ما هذا الفني البديع الفجر اللي انتي عملتيه في النص ده؟

انتي جبتي كل حاجة في العالم ولغوصتيها بالجمال

يخرب بيت حضرتك :)

خرجتيني من كآبة أجواء الامتحانات

:)

blue-wave said...

حلو بجد
كالعادة دائما

صباح الخير يا مصر said...

كراكيب نهى محمود
********************
بجد بجد ..اعجبنى الصور المرسومه بالقلم الرصاص و التى ابدعتى فى اظهار ظلالها لتجسيم الصوره
هى ليست صوره بل مجموعة صور شعريه...اعجبتنى
تسلم ايدك و احاسيسك

تحياتى

شادي أصلان said...

اسمحيلي اضم صوتي لكل الناس الي هنا
واقدم فروض الولاء والطاعة بجد نص جميل يستحق كل التقدير

حين تعود ترمم النتؤات التي صنعها خروجك من روحي
حين تعود تلملم الدمع عن عيني والملم العشق عن شفتيك

أصمت أحتراما لكي
تحياتي

كراكيب نـهـى مـحمود said...

العزيز فاوست- شكرا على تعليقك ونصائجك الارشادية
اما عن الفروت سلاط عملا بالنظرية النائلية عن فوائد الفواكه الطازحة المقطعه شرائح وعليها اناناس
وابقى سلم لي على كل الناس

صديقي العزيز جدا جدا مزمز
يا رب تخلص امتحانات على خير
انا اللي بكتب قصايد امال الشغل القللي اوي المتميز جدا اللي بتعمله في مدونتك يبقى ايه هه
الله يخليك وبفرح فعلا لما بعرف انك بتقرالي حاجة
خالص محبتي يا معاذ

بلو واف - شكرا لك كالعادة مودتي

صباح الخير يا مصر - الله يخليك
القلم الرصاص شقي وياخدها من يدها ليصنع عوالمه التي تخصه هي فقط تدون وشوشاته


شادي اصلان- يا خبر ده كتير عليا والله
زيارتك العظيمة بتنور مدونتي المتواضعه يا فنان

شيماء النمر said...

جميل فعلا

كم اتمنى معرفتك

هويدا صالح / عشق البنات said...

نهنوه
يا جميل
ادخلي مدونتي
فيه هناك موضوع يهمك
وواجب لازم تعمليه
انت والدباديب بتوعك
مستنياكي علي الرابط ده
http://hoaidsaleh.blogspot.com/2008/07/blog-post.html

Anonymous said...

على فكرة انا مش من صحباتك الواقعيين بل على العكس تماما. بس يمكن اني كنت مضايقة شوية لما كتبت الرد او كنت ساعتها بحاول أبقى واقعية نتيجة لذلك الضيق الناجم عن احباطات الاصطدام بالواقع بعد العيش في الخيال اللطيف.

وطبعا بالنسبة للنص فهو جميل وحالة رومانسية جميلة يا ريتني اقدر اعدي للجانب الاخر واعيش هناك للابد حتى وان كان في الخيال. لكني اتفق مع الاستاذ فاوست مع اعتراضه على "الفروت سلاط" علشان هيه اصلها انجليزي خرجت الواحد من الحالة.

امضاء : صديقتك المجهولة.

 

كراكيب نهى محمود © 2008. Design By: SkinCorner